XORNADA “GAS NATURAL VEHICULAR, ALTERNATIVA AO GASÓLEO PROFESIONAL”. OURENSE, 1-OUTUBRO

Porque os custos de carburante é unha das cuestións que máis ocupa e preocupa aos transportistas, desde APETAMCOR entendemos necesario estar ao día nas posibles alternativas que hoxe temos no mercado ao petróleo como combustible para os vehículos pesados de transporte profesional por estrada.

Por esta razón, o sábado 1 de Outubro a partir das 12:00h. contaremos coa presenza na nosa sede no Polígono de San Cibrao das Viñas (Ourense) de Salvador Jorge Mora, Delegado Territorial de Gas Natural Fenosa, quen nos exporá a súa visión do mercado actual dos combustibles, o avance da tecnoloxía dos vehículos pesados de transporte movidos por gas (prestacións, potencia, autonomía, etc.), as posibilidades de subministro do gas natural, os importantes aforros de custos para os transportistas, así como se mostrarán varios exemplos de empresas de transporte que xa están a apostar por vehículos dualizados.

Aproveitarase a xornada para expor e mostrar in situ aos asistentes un vehículo transformado para funcionar de xeito dual gas natural – gasóleo.

Os/as interesados/as en asistir a esta xornada deberán inscribirse en:

  • Tlf.: 988254200
  • Correo-e: formacion@apetamcor.com

Ao remate da xornada servirase un viño cortesía de Gas Natural Fenosa.